Pontón critica ao PP por repetir, di, o mesmo proceder que no Prestige

08 Xaneiro 2024
Pontón na súa visita a Rianxo deste domingo

A portavoz nacional e candidata á presidencia da Xunta, Ana Pontón, criticou duramente ao Partido Popular e ao seu candidato e presidente en funcións, Alfonso Rueda, que, segundo dixo Pontón, “ante a marea de pellets que inunda a costa galega e, na vez de ofrecer solucións, estea repetindo a marea de mentiras, manipulación e incompetencia” que xa utilizou na catástrofe do Prestige“.

Na presentación nas Pontes da proposta de goberno do BNG en materia enerxética, Pontón criticou ao Executivo de Rueda que volva utilizar o mesmo modus operandi que durante o caso do Prestige, “primeiro ocultando a marea de plástico e sen actuar nin poñer medios e, agora, intentando manipular a situación a través dos medios públicos”, dixo, engadindo que o Goberno galego “está a demostrar unha vez máis a súa incompetencia para poñerse á fronte e liderar unha resposta ante un problema medioambiental tan grave como o que estamos vivindo”.

A líder nacionalista advertiu á Xunta da “marea de indignación dos galegos e as galegas que se está a xerar ante unha situación que non se limita só ás Rías Baixas, senón que xa chega ás praias da Coruña, Ferrol e da Mariña lucense e fronte á que o Executivo de Rueda non é quen de ofrecer unha resposta transparente, acorde co problema”.

Pontón reprochou tanto á Xunta como ao Goberno estatal que permanezan instalados no seu habitual pim-pam-pum “absolutamente inútil” para os galegos e as galegas. “Dende o BNG reclamámoslles que se poñan a traballar para que haxa os medios e os recursos necesarios para solucionar este problema”, urxiu para subliñar a continuación que “xa está ben de ver como, ante catástrofes destas características, os gobernos non estean á altura”.

Ante a gravidade da situación, a líder nacionalista volveu pedir a comparecencia de Rueda no Parlamento galego para “dar explicacións sobre a crise e a súa xestión e insistiu en reclamar ao presidente en funcións unha resposta á altura da cidadanía deste País”.

Pontón trasladou toda a solidariedade e recoñecemento do BNG aos concellos afectados “que están traballando sós” (por exemplo o de Ribeira e o de Muros, dous dos máis afectados e dous dos máis activos fronte a este problema ambiental) ao sector pesqueiro e aos veciños e veciñas que están indo ás praias galegas a recoller os pellets plásticos “ante a inacción de Xunta e Goberno estatal”, dixo, amosando o seu orgullo pola resposta cidadá ante un vertido que “ameaza de novo a costa galega”.

Pontón avanzou que a formación nacionalista rexistrou este luns a solicitude de comparecencia urxente do presidente en funcións no Parlamento galego para dar explicacións sobre a xestión desta crise.

Outros artigos

Boiro sumou forzas contra o cancro cunha cadea humana no centro da vila

A Asociación Española conta o Cancro de Boiro conmemorou na tarde deste sábado 17 de outubro o Dia Mundial da Loita contra o Cancro de Mama, que se celebra o 19 de outubro, cunha gran cadea humana e a realización dun lazo na rúa peonil de Boiro. Durante estes días o...

+

Publicidade

Revista en papel

Opinión

“Eu tamén quixen bailar coma Javi” – Fernando Sarasketa

“Eu tamén quixen bailar coma Javi” – Fernando Sarasketa

Foto de Javi Bermúdez na Sala Real Acababa de chover e Javi empuxoume con firmesa coas dúas mans para poñerme debaixo dunha pingueira. Unha pinga conxelada caeu serteira no meu lombo pasando áxil a rentes da caluga e da camiseta, sen tocalas. “Agora xa sabes o que se...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.