José Luis Baños gaña o Premio de Literatura Infantil Carlos Mosteiro de 2023

29 Decembro 2023

O Premio de Literatura Infantil Carlos Mosteiro de 2023, un dos relevantes galardóns literarios da nosa comarca e a xeografía galega, xa ten gañador. Trátase de José Luis Baños, que obtivo o premio desta sexta edición, á que concorreron trinta textos, grazas á súa obra Fóra de xogo.

Marcos Calveiro, director de edicións de Galaxia; María Xesús Blanco, presidenta da Asociación Cultural Barbantia; e María Canosa, gañadora da quinta edición, integraron o tribunal que destacou a calidade dos orixinais presentados. O libro galardoado narra unha relación de amizade entre dúas nenas do Afganistán unidas polos seus soños arredor dun balón e as normas do fútbol; de aí vénlle o título. “Reivindícanse así os dereitos das nenas a través do deporte, da amizade e dos soños compartidos nunha situación de discriminación e desesperanza”, sinalou o xurado.

O premio, segundo explicou a concelleira da Cultura, Patricia Lojo, supón unha dotación económica de 3.000 euros, a publicación na colección Árbore da Editorial Galaxia e a distribución de exemplares entre a rapazada pobrense. A edil engadiu que con esta nova obra vai medrando unha colección “moi interesante” arredor do premio literario.

Agora, o nome de José Luis Baños súmase ao das persoas gañadoras nas anteriores edicións: Patricia Mallo, con Os Fantom; Xosé Antonio Neira Cruz, con O enigma do baúl pechado; a terceira edición quedou sen adxudicar, por se estimar que ningún dos textos acadaba a suficiente calidade literaria; repetiu Neira Cruz con Por mor de cinco pizzas aos catro queixos; e Teño un volcán dentro, de María Canosa.

O galardoado xa resultou distinguido polo Certame de Textos Teatrais Roberto Vidal Bolaño con A cámara escura, en 2020, e Lume, en 2022.

Convocado polo Concello da Pobra do Caramiñal, a Editorial Galaxia e a A. C. Barbantia, o Premio de Literatura Infantil Carlos Mosteiro busca estimular a produción literaria destinada a un público lector con idades comprendidas entre os 8 e 12 anos, promover os autores e autoras en lingua galega de literatura infantil e homenaxea-lo escritor falecido en 2017.

A entrega do premio e presentación do libro efectuarase nos vindeiros meses.

Outros artigos

O Porto do Son recibe a súa sexta Bandeira Verde

O Concello do Porto do Son recibiu este 21 de outubro a súa sexta Bandeira Verde de Galicia, un recoñecemento ao compromiso municipal coa protección da paisaxe, a conservación do patrimonio natural e o coidado do medio ambiente. A tenente de alcalde, María José...

+

Publicidade

Revista en papel

Opinión

“La soledad, mala compañera”. Javier García Sánchez

“La soledad, mala compañera”. Javier García Sánchez

Afecta a una de cada cinco personas en España, y se trata de una sensación deaislamiento y desconexión emocionalNos demos cuenta o no lo cierto es que cada vez vivimos en una sociedad másindividualista donde recala con fuerza la soledad no deseada. Se trata de...

“Santos con lentes”. Xosé A. López Silva

“Santos con lentes”. Xosé A. López Silva

Hai anos que levo un caderno de santos: datas, anécdotas e atributos rechamantes, apuntados sen moita orde nin concerto. Abre por San Xerome, o mesmo que de cando en cando volve aos xornais porque na fachada de Santa María de Pontevedra, entre os doutores da Igrexa,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.