Boiro vai albergar esta fin de semana a segunda edición da Gala de Cultura Solidaria, que, como se indica no seu nome, consiste nun evento de creatividade (principalmente musical) para recadar recursos (alimentos e produtos de primeira necesidade) para as persoas vulnerábeis neste tempo de Nadal. Celebrarase na Carpa Solidaria instalada polo Concello na praza de Galicia, este sábado 23 de decembro. A entrada será libre, aínda que serán recollidos produtos a favor de Cáritas Boiro. As actividades da gala solidaria desenvolveranse co seguinte horario:
12.00h – DJ Matrek
13.00h – D’Crooners Band
17.00h – chocolatada Turbina
18.00h – Escola de Música de Boiro
19.00h – Sandra Folgar & Estevo
21.30h – DJ Cabina Móvil
