A deputada socialista no Parlamento galego Patricia Iglesias Rey debullou este luns 19 os orzamentos da Xunta para o Barbanza. Na súa comparecencia lamentou que as contas autonómicas 2027 son “absolutamente decepcionantes e raquíticos” para a nosa comarca.
A parlamentaria denunciou que “non hai un pulo económico-industrial, nin previsión de aumento do chan industrial en A Pobra, nin implicación da Xunta no polígono industrial de Ribeira”. Ademais, reclamou a nova depuradora para Boiro, “que ano tras ano incúmprese o programa de rexeneración e recuperación das rías galegas, que están nunha situación de auténtico colapso”.
Iglesias tamén mencionou que nos orzamentos da Xunta non existe unha previsión de mellora das comunicacións e infraestruturas, “como a remodelación da fachada marítima de Rianxo ou a reforma integral da estación de autobuses da Pobra”. Tampouco considera “atendidas” as demandas sociais para a comarca, alegando que “non hai unha previsión de mellora nos centros de saúde que responda a un plan integral” e destacando a necesidade de que existan residencias de maiores no Barbanza, “fundamentaois para unha comarca moi envellecida”.
De igual maneira, lembra que a construción de vivenda protexida “está totalmente desatendida por parte da Xunta de Galicia, do goberno do PP, nestes orzamentos que consideramos raquíticos e decepcionantes para a comarca de Barbanza Arousa”.
