O Concello de Boiro remata as obras de pavimentado da rede viaria interior da aldea de Xián. Unha actuación dun importe de 34.089,21 euros financiada mediante o Plan Único Concellos (POS+) da Deputación da Coruña.
A finalidade deste proxecto foi a pavimentación das vías interiores na aldea de Xián para a mellora do conxunto do firme e as súas características funcionais.
Actuouse en catro tramos dentro do propio núcleo nos que se realizou unha rehabilitación superficial mediante a aplicación dunha nova capa de rodadura asfáltica para conservar e mellorar as características funcionais de seguridade e comodidade; ademais da protección do conxunto do firme para o aumento da durabilidade.
