O Concello de Rois organiza unha nova convivencia educativa para mulleres, que nesta edición terá como destino a provincia de Ourense. A actividade celebrarase os días 21 e 22 de novembro de 2026 e está dirixida a mulleres empadroadas no municipio maiores de 18 anos.
A proposta permitirá coñecer nesta ocasión diferentes lugares do patrimonio ourensán. O primeiro día, o percorrido incluirá o Mosteiro de Oseira, Allariz e Ourense. A segunda xornada estará dedicada a Celanova e Vilanova dos Infantes.
O prazo de inscrición estará aberto desde o 29 de outubro ata o 6 de novembro, ámbolos dous incluídos, na oficina dos Servizos Sociais Comunitarios do Concello de Rois. Cada persoa poderá realizar un máximo de dúas inscricións: a súa propia e, se o desexa, a doutra persoa.
O prezo é de 100 euros por participante, que deberán ingresarse na conta do Concello de Rois en Abanca: ES64 2080 0328 9631 1000 0060. Para formalizar a inscrición será necesario achegar o DNI e o xustificante de pagamento.
As prazas son limitadas e asignaranse por rigorosa orde de inscrición. Unha vez formalizada, non se devolverá o importe, agás por enfermidade grave da solicitante ou dun familiar próximo. O Concello resérvase o dereito a suspender a convivencia no caso de non cubrir un número mínimo de prazas.
