O próximo sábado 2 de decembro o Local Social do Montiño en Imo (Dodro) acollerá un importante evento cultural da nosa comarca. Trátase da nova edición do Certame Folclórico (edición 2023), organizado pola Asociación de Veciños de San Xoán de Laíño.
No transcurso deste acontecemento farase un especial recoñecemento á Coral Polifónica de Laíño que durante 16 anos espallou á música do folclore clásico galego, polifonía clásica e relixiosa etc por toda a nosa xeografía.
Presentará o acto Xoán Bautista Mariño.
Os grupos participantes neste Certame Folclórico 2023 serán: As Garridas, Triopata, As Silvaveiras, As Xeiteiras, As Maianas, Os Liantes, Amaiante, Os Mersenarios e A Foliada do Montiño.
A Asociación de Veciños convida a toda a veciñanza da comarca a este festival que rematará con unha foliada libre e pinchos para todos os asistentes.
.
