O PP de Ribeira lanza unha pregunta para o pleno relativa ao programa de dinamización dos maiores

26 Novembro 2023

O PP de Ribeira, a través da concelleira Ana Isabel Barreiro Rego, compartiu os detalles dunha pregunta en pleno relativa ao programa de servizos sociais de dinamización social e cultural das persoas maiores do termo municipal, que é, en palabras da agrupación, un dos programas que máis aceptación ten entre a poboación, tanto a dos maiores como resto da veciñanza. Lembran que se trata dun servizo cunha ampla gama de actividades físicas, lúdicas, sociais, saudábeis e de lecer que se estende a todas as parroquias do concello, unha cobertura que, indican, foi un dos compromisos do anterior goberno local. Porén, engaden, “vimos de saber que nas parroquias de Aguiño, Castiñeiras, Oleiros, Olveira e Corrubedo…etc todas menos Ribeira e Palmeira acaban de comezar a impartirse esta semana as clases de Memoria, case a rematar o trimestre, pese a que o programa foi presentado hai meses, e que ofrece ás persoas maiores un servizo esencial, moi demandado e de gran necesidade”. cultural

O PP fai saber que foron varias as veciñas e veciños das parroquias que achegaron á alcaldía o seu malestar.

A xuízo do PP, “isto deixa claro que tiñamos razón cando diciamos que se se tumbaban os nosos orzamentos que non íamos poder contratar a profesora do Conservatorio, o tempo danos a razón. E daquela tivemos que “escoitar por parte da oposición, hoxe goberno, que éramos uns alarmistas”. E engaden: “Alén disto que expoñemos, sabemos que a contratación da mestra
estivo a sufrir atrasos xustificados polo prazo de exposición pública dos orzamentos do Concello aprobados o 11 de outubro. Iso
sabémolo, pero cal foi a nosa sorpresa saber que outra mestra que estaba na mesma situación de espera da exposición pública foi
contratada o 19 de outubro, sen que rematara o prazo da devandita exposición pública”.

Na moción o PP tamén lanza a seguinte pregunta: “Xa que a unhas persoas se lles contrata e a outras non, cal foi o motivo desta discriminación a hora de que estas traballadoras empezaran a traballar?”.

Outros artigos

Publicidade

Revista en papel

Opinión

“El arte y la necesidad de pensar”. José Castro López

“El arte y la necesidad de pensar”. José Castro López

Ricardo de la Cierva publicó en los años ochenta el opúsculo titulado Cómo ampliar micultura. ¿Qué puedo hacer?, que escribió con el objetivo de ofrecer una guía prácticapara construir una cultura personal que no consiste solo en adquirir conocimientos, sinoen...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.