A colaboración entre as diferentes Administracións Públicas é cada vez máis necesaria polo benestar da maioría dos cidadáns. Terían que xestionar e planificar a medio e longo prazo, no canto do cortoplacismo e o electoralismo co que fan gala desde moitos organismos e entidades públicas.
Todo o gobernante, sexan municipais, provinciais, autonómicos, estatais ou europeos, están de paso e cunha duración determinada nos seus respectivos mandatos. A sociedade civil debe ser a beneficiaria das súas actuacións e por iso é necesaria unha maior visión de futuro.
Os cambios políticos e de goberno non poden impedir os avances e as execucións dos proxectos. As pelexas e a confrontación política ou ideolóxica deberían deixar paso á defensa do interese xeral.
Terían que centrarse no importante, loitando por unha sanidade e educación públicas e de calidade, polo pleno emprego, pola protección social, polos dereitos sociais, en definitiva pola dignidade de todas as persoas, independentemente do lugar no que residan e da formación ou do poder adquisitivo do que dispoñan.
