Julián Bustelo, alcalde de Rianxo, e Nestor Martínez, representante do Club Xadrez
Rianxo e director do Torneo, presentaron no salón de plenos do Concello os detalles da XIV edición do Torneo Internacional de Xadrez Concello de Rianxo, que se celebrará o domingo 3 de setembro no Auditorio Municipal.
O rexedor desttacou “o grande traballo que está a facer o Club Xadrez Rianxo en prol do desenvolvemento do xadrez e do deporte rianxeiro”, ao tempo que gabou a súa capacidade organizativa, “posto que o torneo estase convertendo nunha cita de referencia a nivel galego”.
Segundo explicaron, está confirmada a presenza de participantes procedentes de España, Portugal,…e grandes mestres nacionais e internacionais.
-Organiza: Club Xadrez Rianxo e Federación Galega de Xadrez
-Colabora e Patrocina: Concello de Rianxo.
-Colaboran: Federación Galega de Xadrez, Abanca, CONGALSA, Conservas Cortizo, Hotel Scala, así como a Xunta de Galicia e a Deputación da Coruña
-Horarios: De 10:30 a 19:00 h. aprox. Entrega de trofeos ás 19:30 h.
2 competicións
O torneo inclúe 2 competicións diferenciadas:
· Torneo absoluto: sen límite de idade. Este torneo será válido para elo FIDE de rápidas.
· Torneos Circuíto Galego de Promoción: categorías sub8, sub10, sub12 e sub14. As inscricións teñen un custe de 10 € para o torneo absoluto e poden formalizarse en xadrezrianxo.com, no correo escolaxadrezrianxo@gmail.com ou Whatsapp 680193289 ata o venres 1 de setembro.
Repártense un total de 2500 € en premios
