Este sábado, 2 de setembro, vaise celebrar no Polígono Industrial de Te (Taragoña – Rianxo) o VIII Slalom Concello de Rianxo, organizado pola Escudería Rallyactividad Competición, co apoio da Administración local. Trátase dunha proba de carácter nacional, puntuábel para o Campionato de Galicia de Slalom 2023.
Está confirmada a participación de 40 coches que competirán nas distintas categorías nun circuíto de asfalto que discorre polas rúas do polígono industrial.
Programa
-Verificacións administrativas e técnicas: de 9 a 10:30 h.
-Adestramentos: 11:00 en adiante
-1ª manga oficial: 15 h.
-2ª manga oficial: a continuación da 1ª
-Fin competición e entrega premios: 19:30 h aproximadamente.
A entrada é de balde.
A Escudería Rallyactividad Competición conta cunha ampla traxectoria e experiencia na organización de autocross e probas de motor no Circuíto do Castro.
