A Xunta de Galicia (Consellería de Cultura e Educación) vai promover proxectos para fomentar o uso do galego durante este curso en 858 colexios e institutos sostidos con fondos públicos cunha achega de 350.000€. Así o recolle o Diario Oficial de Galicia, que publica este mércores 7 de xuño a resolución dos centros adxudicatarios, coa indicación da puntuación concedida e do financiamento definitivo asignado a cada proxecto, así como a relación dos centros excluídos, coas correspondentes causas de exclusión.
Do total de centros adxudicatarios, 336 pertencen á provincia da Coruña, entre os que se repartirán 134.623€; 114 á de Lugo, con 45.231€; 80 á de Ourense, cunha dotación a repartir de 30.557€, e 328 á provincia de Pontevedra, con 139.466€.
Respecto da comarca do Barbanza, serán beneficiarios preto de medio cento de centros.
Por Boiro o CEIP de Cespón, o CEIP de Escarabote, o CEIP Plurilingüe de Abanqueiro, o CEIP Praia Xardín, o CEIP Santa Baia, o CEIP Santa María do Castro, o IES Espiñeira, o IES Plurilingüe A Cachada e o IES Praia Barraña.
Por Dodro, o CEIP Eusebio Lorenzo Baleirón e o CRA de Dodro.
Por Lousame o CPI Cernadas de Castro.
Por Muros o CEIP de Louro, o CEIP Ricardo Tobío, o CEIP Ramón de Artaza, o IES As Insuas e o IES Fontexería.
Por Noia o CEIP Felipe de Castro, o CEIP Alexandre Rodríguez Cadarso, o IES Campo de San Alberto e o IES Virxe do Mar.
Por Outes o CEIP de Outes e o IES Poeta Añón.
Por A Pobra o CEIP Pilar Maestú Sierra, o CEP Salustiano Rey Eiras, o EEI Fernández Varela e o IES da Pobra do Caramiñal.
Por Porto do Son, o CEIP de Campanario, o CEIP de Portosín, o CEIP de Sobrado-Nebra e o IES de Porto do Son.
Por Rianxo, o CEIP Alfonso Rodríguez Castelao, o CEIP Ana María Diéguez, o CEP Xosé María Brea Segada, o CRA de Rianxo e o IES Félix Muriel.
Por Ribeira, o CEIP de Olveira, o CEIP Heroínas de Sálvora, o CEIP de Artes, o CEIP de Carreira, o CEIP de Frións, o CEIP de Palmeira, o CEIP O Grupo, o CIFP Coroso, a EEI Capela-Carreira, o IES Leliadoura e o IES nº1.
Fomento do uso do galego entre a rapazada
A Consellería de Cultura, Educación, FP e Universidades convoca cada ano esta liña de axudas para todas as etapas educativas non universitarias co fin de “contribuír a financiar as actividades que realizan os Equipos de Dinamización da Lingua Galega e o profesorado dos centros públicos de Galicia”. Con estas accións, o Goberno galego busca “reforzar a dimensión comunicativa do galego en contextos vivos e facilitar ao alumnado unha oferta educativa que o axude a percibir a utilidade da lingua e que o capacite para o seu uso correcto e eficaz”.
