A poesía volve tomar a palabra na Pobra do Caramiñal. Mercedes Barreiro dará a coñecer ante o público o seu poemario Pedazos de emoción, que, coma nunha montaña rusa, convida a unha viaxe a través das páxinas que vai de temas duros a outros amábeis coa amizade verdadeira como destino.
O acto desenvolverase no 2 de xuño, a partir das 20.30 horas, no Auditorio do Museo Valle-Inclán, e contará coas intervencións da propia autora e do director da institución museística, Antonio González.
A entrada é libre ata completar a cabida.
