Será o 2 de maio ás 19 horas na sala de exposición da Casa Mariñeira da Pobra do Caramiñal onde se poida ver a mostra pictórica Cores de terra e mar, de María José Rodríguez. Na estrea da dita mostra, que se poderá ver até o 30 de xuño, participará a concelleira do Turismo, Charo Varela amais da intervención da propia artista responsábel da exposición.
Estamos a falar dunha serie de cadros que deixan ver paisaxes marítimas e agrarias coas cales a autora lles quer render tributo ás súas xentes.
María José Rodríguez une nesta exhibición o seu gusto pola ensinanza e a súa inquietude artística. Nada na Coruña, cursa a licenciatura en Pedagoxía. Posteriormente, dada a súa paixón pola arte, comeza a mergullarse no universo da creatividade a través de distintas disciplinas. Amais de impartir aulas, María José conta cunha ampla traxectoria que se ve reflectida por numerosas exposicións individuais e colectivas, e mesmo conta nio seu haber con diversos premios.
A entrada para ver Cores de terra e mar é libre até completar o aforo, sendo o horario de visita de 9:30 a 14:30 h.
Máis información na web de turismo da Pobra.
