Pleno extraordinario e urxente o 26 de febreiro de 2023
Con motivo do falecemento, no día de onte, 25 de febreiro de 2023, de quen foi veciño e alcalde de Boiro, Don Francisco López Silva, reúnese a corporación municipal como mostra de condolencia, recoñecemento e respecto a familiares e amigos. Co mesmo motivo, decretouse loito oficial entre as 00.00 horas deste domingo 26 de febreiro e ata as 24h do vindeiro día 28, durante o cal as bandeiras ondearán a media hasta.
Foi o primeiro alcalde de Boiro da democracia ao amparo da Constitución Española de 1978.
Francisco López Silva destacou tamén pola súa faceta como empresario, sendo un pioneiro no sector mexilloeiro. Como alcalde e como empresario, contribuíu moi activamente ao desenvolvemento
social e económico de Boiro. A corporación municipal lamenta o seu pasamento, que
deixa un gran pesar no pobo. O seu recordo quedará para sempre na memoria dos
boirenses.
