Un total de 65 instantáneas compoñen a nova exposición que dende este mediodía se pode exhibir no Centro Cultural Lustres Rivas de Ribeira e que está conformada pola colección gañadora e as finalistas do 16º Premio Luís Ksado de Creación Fotográfica que convoca a Deputación da Coruña.
A apertura da mostra tivo lugar a cargo da concelleira de Cultura, María Sampedro, quen deu as grazas á institución provincial por traer unha nova edición deste prestixioso certame, que nesta ocasión tivo
como traballo gañador á colección “Lume”, do fotoxornalista ourensán Brais Lorenzo, sobre os incendios forestais en Galicia.
Xunto a el seleccionáronse outros cinco finalistas como son Fuco Reyes, Sergi Cámara, Carlos Ximénez, Belén Lozano e Arturo Rodríguez, con temáticas como a mocidade, a inmigración, o Entroido, os paisaxes urbanos e a erupción do volcán de La Palma.
Entre os asistentes á apertura figuraba alumnado do programa de dinamización de persoas maiores que se imparten no centro.
Catálogo
A Concelleria de Cultura contará co catálogo da exposición para que os visitantes o consulten, ademais de agasallar aos centros educativos do municipio que o soliciten enviando un correo electrónico ao enderezo culturaefestexos@ribeira.gal. A mostra estará aberta durante todo o mes de febreiro.
