A asociación da nosa comarca Amicos volveu ser beneficiaria este 2023 (por quinto ano consecutivo) que comeza do Certificado de Profesionalidade en Atención Sociosanitaria a Persoas Dependentes en Institucións Sociais. “Con esta nova formación”, explicaron fontes da entidade con sedes en Boiro e Ribeira, xéranse novas oportunidades laborais a persoas desempregadas. Este ano, engaden, facilitarase a formación neste eido profesional a 30 persoas. Este certificado conta ademais coa posibilidade de varias opcións de beca.
O proceso de inscrición xa esta aberto e pódese facer chamando ao número de teléfono 981 865 716 ou enviando un correo a formacion@amicos.org. O prazo remata o día 15 de febreiro. Os requisitos para poder participar son, estar desempregado e ter en posesión a titulación da ESO ou equivalente.
As clases comezarán o día 9 de marzo e rematarán o día 19 de xullo. Impartirase en horario de mañá no Centro Integral Amicos en Boiro. O curso ten unha duración de 468 horas, das cales 80 será de prácticas en empresas do eido da atención sociosanitaria da comarca do Barbanza.
Como novidade, este ano ofrécese a posibilidade de levar a cabo o certificado de profesionalidade de forma online.
Segundo lembra Amicos, esta formación é posíbel grazas ao financiamento da Consellería de Promoción do Emprego e Igualdade da Xunta de Galicia e do Ministerio de Educación e Formación Profesional do Goberno de España.
