O número de casos activos por covid en Galicia e de hospitalizados aumentou nas últimas horas, segundo o último parte da Consellería de Sanidade con datos ás 18,00 horas do domingo. Así dos 2.342 casos activos notificados con datos ás 18,00 horas do venres, pasouse a 2.041. O mesmo ocorre co número de hospitalizados con 253 (248 en planta e cinco en UCI) fronte aos 235 rexistrados no último parte. Dos 2.041 casos activos, 513 son da área da Coruña, 213 da de Lugo; 266 da de Ourense; 200 da Pontevedra, 407 da de Vigo; 285 da de Santiago e 157 da de Ferrol.
En toda Galicia abríronse 64 casos nas úlitmas horas, dos que 10 son de Santiago de Compostela-Barbanza, 13 corresponden á área da Coruña-Cee; catro á de Ferrol; cinco á de Lugo-A Mariña-Monforte de Lemos; 10 á de Ourense-Verín-O Barco de Valdeorras; 12 á de Pontevedra-O Salnés e 13 á de Vigo.
En canto aos hospitalizados, 82 están na da Coruña, con na UCI, igual que a de Santiago de Compostela -Barbanza que ten, ademais, 32 pacientes en planta, e a de Vigo que ten, á súa vez, 41 noutras unidades de hospitalización.
