Logo da presentación oficial da Axenda Urbana desenvolvida na tarde de onte no salón de plenos, o Concello de Ribeira achega este instrumento de planificación a centros educativos do municipio.
Concretamente, no transcurso desta mañá desenvolvéronse dous obradoiros no ánimo de difundir a Axenda dunha forma lúdica e co-creativa, ao tempo que recoller ideas e suxestións do alumnado.
O primeiro dos talleres tivo lugar entre unha aula de 6º de Primaria do Colexio O Grupo, en tanto que o segundo estivo dirixido a alumnado de 3º de ESO do Colexio Bayón. En cada sesión se utilizaron diferentes xogos e actividades participativas especialmente deseñadas e adaptadas aos tramos de idade coa fin de que aportasen a súa visión da Ribeira do ano 2030.
A actividade contou coa presenza do alcalde Manuel Ruiz, a subdirectora adxunta de Políticas Urbanas do Ministerio de Transportes, Mobilidade e Axenda Urbana, Sonia Hernández, e de integrantes de TECH friendly, a empresa que desenvolveu o proxecto.
