O proxecto artístico Redes do País presenta en Porto do Son a proposta O Canto da Subasta, unha iniciativa que rende homenaxe á cultura mariñeira, de longa tradición na nosa comarca, e que ten un marcado compoñente de actuación colectiva e ruada popular. Actuarán Banda de Música Tradicional Suevia, o Grupo de Baile Anduriña e haberá participantes de Corme, Portosín, Porto do Son e Queiruga. Abordarase dende varios enfoques a vida e o traballo no mar, os seus cambios e desafíos. Será o 15 de outubro ás 19.00 horas, na praza de España de Porto do Son. A entrada será de balde.
