20190620. Mañá comeza oficialmente a estación do verán e, por iso, desde a asociación Amicos queren darlle a benvida organizando unha gran festa en familia que terá lugar no Centro de Atención Intregral Amicos situado en Comoxo, no municipio de Boiro.
A primeira actividade está prevista para as 10.30 horas, na que familias e usuarios realizarán o último tramo do Camiño de Santiago e partirán en furgonetas desde o Centro de Atención Integral Amicos. Ás 11.00 horas comezarán os patios dinámicos, para todos aqueles que non vaian ao camiño e queiran desfrutar xogando. Despois, ás 12.00 horas, desenvolveranse diferentes talleres para incorporarse na época estival.
Chegado o momento do xantar, ás 14.30 horas, desfrutarase dunha sardiñada para, ás 15.30 horas, comezar a cantar e a bailar ao son dun grupo de música que se encargará de amenizar a xornada da tarde.
