Este domingo o Barbanza cálzase as botas de camiñar na VII Andaina Solidaria de CONGALSA (modalidade presencial)

09 Setembro 2022

A nosa comarca vai acoller este domingo un importante acontecemento solidario, deportivo, dinamizador e de lecer: o desenvolvemento oficial (e presencial) da VII Andaina Solidaria de CONGALSA. Será a partir das 10.00 horas con saída da Pobra do Caramiñal. O grupo de participantes, entre os que se vai incluír Luis Miguel Simarro, director xeral da compañía, iniciará unha ruta de nove quilómetros pola comarca do Barbanza, con saída na igrexa de San Isidoro de Postmarcos (na Pobra do Caramiñal). O alcalde Xosé Lois Piñeiro saudará aos participantes na iniciativa ao comezo do percorrido.

Isto polo que se refire ao formato presencial da camiñada. A vertente virtual leva celebrándose dende o 1 de setembro.

CONGALSA doará todas as contribucións solidarias económicas relativas ás dúas modalidades (presencial e virtual), así como os alimentos, e converterá en euros todos os quilómetros realizados. Todo o recadado irá parar ás familias máis necesitadas da comarca do Barbanza.

A andaina está aberta non só aos traballadores da empresa, senón tamén aos seus familiares, amigos, a representantes de entidades colaboradoras e a toda aquela persoa que queira colaborar, con independencia da súa localización xeográfica.

Como dixemos, o percorrido físico terá nove quilómetros e realizarase pola Serra do Barbanza.

A compañía realizará un vídeo conmemorativo da iniciativa, con imaxes dos participantes, que divulgará en diferentes canles corporativas.

Numerosas entidades da nosa contorna sumáronse este verán á actividade. Por exemplo Cáritas Ribeira, que o día anterior á data oficial fixada (o 11 de setembro) organizará tamén a versión local da Andaina Solidaria – CONGALSA. Será un itinerario físico de nove quilómetros e realizarase desde o Faro de Corrubedo ata a Igrexa Parroquial de Ribeira, contando coa colaboración da ONG católica. A marcha empezará ás 8.30 da mañá do sábado 10 no faro e percorrerá uns 20 quilómetros, podendo os que o desexen facelo percorrido desde a Capela da Guía.

Outros artigos

Luns con nubes e claros e choivas cara o serán

O luns será unha xornada de transición coa chegada dunha fronte pola noite. Así, teremos unha mañá de néboas en comarcas do interior que irán deixando ceos pouco nubrados, co avance da mañá irán aumentado as nubes desde o oeste, con chuvias que se irán xeneralizando...

+

Santos Oujo dimite do Ateneo Valle-Inclán

Na tarde deste domingo o presidente do Ateneo de Riveira, Santos Oujo Bello, comunica a súa decisión de dimitir da Asociación. ORDEN DEL DÍA REUNIÓN EXTRAORDINARIA DEL ATENEO DE RIVEIRA. 28/04/24. 20:00 horas en 1ª convocatoria. 20:30 2ª.1.- Lectura y aprobación del...

+

Publicidade

Revista en papel

Opinión

“25 abril III. Santarém”. Manuel Dominguez

“25 abril III. Santarém”. Manuel Dominguez

Saímos de Lisboa e rumamos para o berço, a fonte, onde o destino fez chegar aqui onde a memória está presente. “Meus senhores, como todos sabemos, existem diferentes tipos de Estado. Os estados socialistas, os estados capitalistas e o estado a que nos referimos....

“Rebélate, pois, se tés vontade. Fala, sente”. Antón Luaces

“Rebélate, pois, se tés vontade. Fala, sente”. Antón Luaces

A frase non é -que máis quixera!- da miña autoría. Pertence ao escritor monfortino Lois Diéguez, quen na contracuberta da súa obra "As voces amadas" (publicada o ano pasado) dí: "... eu non son así, eu non son un móbil nin máquina ningunha. Rebélate, pois, se tes...