A Asociación Boirense de Empresarios (ABE) compartiu os nomes das persoas premiadas no último sorteo da campaña Quincenas Fantásticas, realizado os 1085 tíckets rexistrados en www.abe.gal, a web da patronal.
No sorte resultaron finalmente galardoadas Cristina Tarrío, por unha compra na Farmacia Civadevila (250 euros), Beatriz Araújo, por mercar en Sargadelos Barbanza (150 euros), Mari Carmen Bravo (Herboristerías Fiúncho, 100 euros), e Mayte López Casanova (The Desire Shop, obtendo de premio unha bicicleta).
A campaña que se desenvolveu durante os meses de xullo e agosto remata “cuns datos excelentes de participación”, destacou a ABE, salientando tamén un incremento do 57 % nos rexistros de tíckets polos clientes, “feito que respalda a nosa aposta polo emprego de medios dixitais para as campañas de promoción comercial”, engadiu a entidade empresarial de Boiro.
A entrega de premios das quincenas do mes de agosto será mañá venres, 2 de setembro, ás 13:45 hs na sede da ABE.
A asociación aproveitou para agradecer “a implicación de todas as empresas asociadas” e máis da veciñanza de Boiro. A campaña está co-financiada pola Xunta de Galicia.
