Co lanzamento de 21 bombas de palenque ás dez da mañá deron comezo oficialmente as Festas de Verán de Ribeira, que neste mes de agosto de 2022 volven traer unha proposta de actividades tan completa como antes da pandemia.
Dianas e alboradas a cargo do grupo de gaitas O Rueiro de Palmeira están a animar as rúas da cidade, en tanto que ao mediodía tivo lugar un espectáculo musical infantil e familiar que cativou aos numerosos
nenos e nenas que se deron cita na praza da Porta do Sol: tratouse da función “Extra!” do artista Paco Nogueiras.
Ás nove e media da noite está previsto que se inaugure na praza do Concello a escultura do fillo predilecto de Ribeira Manuel Ayaso, en tanto que ás dez da noite terá lugar o pregón do xornalista Antonio Rodríguez Naranjo dende o balcón consistorial.
El Combo Dominicano ofrecerá unha verbena no Malecón a partir das once da noite.
