Escoito os consellos do presidente Sánchez, coa atención que lle corresponde, hoxe fálanos de quitar a gravata para alixeirar as calores, e iso me retrotrae a cando a súa primeira medida foi cambiar o colchón da cama onde durmise Rajoy, pregúntome como o cambiaría, cando ese labor esta moi ben realizado por intendencia; bo, son cousas de Sancho, perdón Sánchez, cousas veredes, o que hai que ver!
Para ir de Madrid a Toledo distancia de 70 km, non se lle ocorre outra cousa que tomar un helicóptero Super Puma, trasladarse de Moncloa á base de Torrejón, 26 km, o helicóptero consumiu 186 litros de queroseno, logo tomo o seu Falcon, cun consumo de 1.313 litros por hora.
A todo isto, engadir que o seu coche se trasladou de Madrid a Toledo baleiro agás polo condutor, Madrid Toledo en coche serían uns 45 minutos.
E até aquí son os feitos, logo xulguen vostedes.
Entón como é habitual en min, pregúntome cal é o valor da palabra, cando esta non dá froito, cando esta contradí a realidade.
Dáme a sensación que hai un Hamelin tocando a frauta e tristemente unha liña de DNI que lle aplauden e séguenlle.
Saulo camiño a Damasco cae, e convértese, terán esta oportunidade os adláteres de Sánchez?
