A vixésimo primeira edición das Xornadas de Homenaxe a Valle-Inclán conta cun programa composto por un amplo abano de actividades para tódolos públicos que se desenvolverán desde o 23 de outubro ao 30 de novembro. Por mor do aviso de forte temporal, a ofrenda cívica que estaba programada para as 13.00 horas de mañá, mércores 30, nos xardíns Valle-Inclán da Pobra do Caramiñal, aprázase ata o 6 de novembro, con idéntico horario.
Este acto incluirá ofrenda floral fronte ao busto do autor, chantado da camelia xapónica creada por Begoña Franco en honor ao intelectual e lectura pública de textos seus nos que alude a esta especie botánica.
