Este sábado 4 de xuño celebrouse en Dodro o Día da Bicicleta, unha importante celebración que reivindica cada ano formas alternativas (máis tranquilas, máis limpas, máis sustentábeis e máis saudábeis) de desprazarnos.
A reunión foi no Pavillón Polideportivo Municipal e dende aí os arredor de medio cento de participantes (nenos e maiores) iniciaron o percorrido establecido, un percorrido que viña con dúas rutas: un anel de 2,3 quilómetros para os menores de 7 anos e outro de 12 quilómetros para a rapazada (e os adultos) de 7 anos en adiante. O programa tamén incluíu unha xincana para as crianzas, un trofeo para a persoa participante de máis idade, e outro premio para a nena ou o neno de menos idade.
Organizou o Concello en colaboración coa Deputación da Coruña.
