O vindeiro sábado 10 de outubro celebrarase a XXXIV edición do Autocross O Castro, proba organizada pola Escudería Rallyactividad coa colaboración do Concello de Rianxo.
O alcalde, Julián Bustelo, animou a todas as persoas afeccionadas ao motor a que se acheguen a Taragoña o vindeiro sábado para desfrutar dunha “proba imprescindíbel no calendario do automovilismo galego grazas ao traballo que levan facendo dende a Escudería Rallyactividad dende fai máis de vinte anos”.
A proba comezará ás 08.00 horas coas verificacións administrativas e técnicas. Ás 10.00 horas darase paso aos quecementos e ás 11.00 horas serán os adestramentos oficiais. Pola tarde, ás 15.30 horas celebraranse as clasificatorias e ás 18.00 horas as finais.
O Autocross O Castro é unha competición de automobilismo de velocidade que se disputa en Taragoña nun circuíto habilitado de terra e asfalto. É unha das probas máis veteranas e importantes do calendario oficial en Galicia.
Esta proba forma parte do Campionato de Galicia de Autocross, regulado pola Federación Galega de Automobilismo. Os puntos obtidos aquí son vitais para decidir os campións galegos do ano en cada categoría.
