20191018. Rianxo dará cabida esta fin de semana á primeira parte da IV Mostra de Teatro Afeccionado Alter Ego. Desta maneira, o venres 18, ás 18.00 horas, a Biblioteca acollerá a Xarope Tulú con Estrafalaria; mentres que O Inspector chegará da man de Teatro Muxicas, ás 21.00 horas, no Auditorio. O sábado 19, a Biblioteca será escenario de Gale, Historia da Lingua con Celtia Figueiras, ás 12.00 horas, e de Regueifando con Regueifeiros de Galicia, ás 18.00 horas, para dar paso no Auditorio, ás 21.00 horas, a Insania de Agrupación Teatral Mariñán.
Por outra banda, o venres 18 desenvolverase na Biblioteca, ás 20.00 horas, a conferencia Experiencia mística e expresión artística na filosofía india, a cargo de Raquel Fernández e organizada por Axóuxere Editora. Outra das citas disporase o sábado 19, en horario de 11.00 a 14.00 horas e de 17.00 a 20.00 horas, na Biblioteca, así como o domingo 20, de 11.00 a 14.00 horas, na casa do selo situada en Brión, Rianxo. Trátase do seminario de pensamento Filosofías indias e occidentais da mente: meditación e neurociencia, impartido tamén por Raquel Fernández. Esta actividade require inscrición previa.
