Raquel Ferrández conectará Rianxo coas filosofías orientais

14 Outubro 2019

20191014 O outono convida á reflexión pero tamén (e por isto mesmo) á liberdade de pensamento. Non é casualidade que na reclusión á que nos obrigan certos factores (incluídos os temporais que estamos a encadear) o noso espírito crítico sexa quen de tirar abaixo as máis sólidas barreiras. O selo editorial Axóuxere, con sede en Rianxo, é neste senso un importante factor de derrube. Para contribuír a este obxectivo, Axóuxere contará estes meses (dende outubro até decembro) coa estimábel axuda da filósofa galega Raquel Ferrández, o escritor brasileiro Henrique Komatsu e a escritora libanesa Joelle Saliba, residentes actuais na casa de Brión (Rianxo), dentro do programa de residencias de escritoras/es e pensadoras/es que a Axóuxere organiza xunto coa Deputación da Coruña e máis o Concello de Rianxo. A filósofa Raquel Ferrández prende esta finde o lume da liberdade de pensamento con dúas actividades ás que non podemos deixar de acudir.

Unha das citas desenvolverase o sábado 19 en horario de 11 a 14h e de 17 a 20h na Biblioteca Municipal de Rianxo e o domingo 20 de outubro de 11 a 14h na Casa de Axóuxere Editora (Brión, Rianxo). Trátase do seminario de pensamento Filosofías indias e occidentais da mente: meditación e neurociencia.Previamente, o 18 de outubro na biblioteca local, a partir das 20.00 horas, Raquel Ferrández achegará a conferencia Experiencia mística e expresión artística na filosofía india.

As actividades proseguirán en novembro da man do brasileiro Henrique Komatsu e, posteriormente, na compaña da escritora e pensadora Joelle Saliba. Para máis información sobre o programa de actividades de Axóuxere para este outono, a editorial puxo na súa web un PDF con todos os datos explicados polo miúdo, indicando como facermos a inscrición nos seminarios e obradoiros.

Outros artigos

Unha muller ferida nun accidente na autovía en Asados

Unha persoa necesitou atención por parte dos servizos sanitarios logo dun accidente de tráfico ocorrido preto das cinco da tarde deste martes na autovía de Barbanza. O vehículo que conducía saíuse da vía na zona de Asados e terminou envorcado sobre o asfalto. Os...

+

Publicidade

Revista en papel

Opinión

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...