O alcalde de Porto do Son, Luís Oujo, e a presidenta da Unión de Cooperativas Galegas EspazoCoop, Ana Olveira, asinaron este martes un convenio de colaboración co obxectivo de fomentar o cooperativismo e a economía social no municipio.
O acordo, que ten unha vixencia dun ano, desenvolvera actividades de información, asesoramento e formación encamiñadas á mellora da cualificación profesional e empresarial daquelas persoas do municipio que opten polo autoemprego a través da fórmula de cooperativa. Así mesmo, levarán a cabo charlas informativas para dar a coñecer este modelo empresarial e sobre a economía social en xeral, incidindo en aspectos como a constitución, o funcionamento e a organización deste tipo de iniciativas.
