Axentes do grupo de investigación ERPOL da Policía Autonómica de Santiago incautaron preto de 10 quilos de percebe extraído ilegalmente nas inmediacións do Faro de Corrubedo, no concello de Ribeira.
O pasado 18 de abril os axentes localizaron nas proximidades do faro de Corrubedo a un varón extraendo percebe das rochas, malia estar prohibida a súa extracción. Ademais a maioría do percebe comisado non contaba co talle mínimo esixido. O infractor xa foi denunciado en varias ocasións por realizar esta práctica e os percebes requisados foron entregados nun centro benéfico.
