O Concello de Ribeira licitou os traballos para dotar de servizos de saneamento e abastecemento de auga ao lugar de Sampedro, situado na parroquia de Palmeira.
Segundo explican fontes do Consistorio, a zona en cuestión non dispón dos ditos equipamentos, de aí que se propuxera este proxecto. A iniciativa contempla a canalización de augas residuais unha tubaxe de 315 metros de longo e 315 milímetros de diámetro, xunto con 16 pozos de rexistro, pola que se conducirán por gravidade ata o punto máis baixo do trazado, onde se implantará un bombeo que as impulsará a través doutra rede de polietileno de 245 metros de longo e 90 milímetros de diámetro, ata a súa conexión á rede xeral.
En canto ao abastecemento de auga, instalarase unha canalización de 435 metros.
O orzamento de licitación ascende a 130.919,88, IVE incluído, e o prazo de execución son seis meses.
A actuación está enmarcada no POS+2021 e o prazo de presentación de ofertas conclúe o 6 de abril á medianoite a través do Sistema de Licitación Electrónica da Xunta de Galicia.
