Tralo paso dunha fronte durante a madrugada, durante este martes Galicia quedará na zona dos chuvascos que veñen detrás. Así, espérase un día de ceo con alternancia de nubes e claros e chuvascos intermitentes, localmente tormentosos.
O vento soprará moderado en xeral, pola mañá do suroeste, rolando a noroeste pola tarde. Pola súa banda, as temperaturas mínimas experimentarán un ascenso entre moderado e notable e as máximas continuarán sen cambios.
O NOSO MAR: A costa galega permanecerá este martes en aviso amarelo por ondada e forte vento, na provincia da Coruña o aviso por vento arrincará á medianoite e permanecerá activo ata as 3,00 horas da madrugada. Pola súa banda, a alerta por ondada das 15,00 horas ás 21,00 horas.
Pola súa banda, no litoral de Pontevedra o aviso por vento tamén se estenderá das 00,00 horas ata as 3,00 horas; mentres que as ondas empezarán ás 18,00 horas e continuarán ata as 21,00 horas.
Cámaras web da comarca (algunha pode nun funcionar puntualmente)
