Este xoves 18 de novembro vaise celebrar en Boiro un dos nosos grandes acontecementos da tempada en materia empresarial: a gala de entrega dos Premios ABE 2021, que concede unha vez máis a Asociación Boirense de Empresarios para visualizar os importantes esforzos despregados polos seus integrantes en materia de espírito empresarial e emprendedor, emprego, crecemento, competitividade e, por suposto, resistencia fronte as adversidades da COVID. A cita será a partir das 20.30 horas na Pousada da Galiza Imaxinaria.
A presentación do acto recaerá no actor, director, adaptador teatral e narrador de contos Quico Cadaval (Ribeira, 1960).
A entrada será exclusivamente con convite. Contarase con photocall, musica, pinchos e sobre todo a presenza do tecido empresarial local no que será a festa dos empresarios e empresarias de Boiro.
Recordar que o premio de honra recaeu en José María García Sánchez, propietario de García Sánchez Boiro, S.L. e que os premios á mellor empresa e mellor comercio desvelaranse durante a gala.
