Como todos os meses, chega outro número da nosa revista mensual Código Cero na súa edición impresa, a número 219, que se pode achegar de balde nunha completa rede de puntos de distribución, podéndose descargar tamén en formato PDF ou ler en dispositivos móbiles a través da aplicación de quiosco dixital Magzter.
Nesta nova entrega dedicamos unha especial atención á celebración da XIII Noite da Enxeñaría en Informática de Galicia, ao Congreso XoveTIC organizado polo CITIC e á última edición de XGN R Encounter. Tamén abordamos os seguintes temas:
– GaliciaTIC volveu facer historia cunha nova edición do foro tecnolóxico galego por excelencia
– A operadora R mostra experiencias tecnolóxicas de éxito nunha nova edición da súa xornada
– A AMTEGA impulsa novas actuacións para fomentar o talento dixital e formar novos perfís TIC
– Medio centenar de funcionarios participan no Curso Superior de Ciberseguridade CIBER.gal
– Boeing e FIRST inauguran en Ourense a primeira Aula Newton permanente de España
– O CPETIG celebrou con éxito de participación a nova xornada de Iuristicgal
– Unirisco investirá máis de 100.000 euros en InVerbis (CiTIUS)
– A ferramenta Galicia Nomeada de Política Lingüística xa ten 2.236 colaboradores rexistrados
– As empresas e as entidades galegas converten a innovación nunha constante
– Entrevistamos a Darío Janeiro, director xeral de Puntogal
– Achegámonos aos novos mundos virtuais que xera o proceso de dixitalización galega
Precisamente o Colexio de Enxeñaría en Informática de Galicia (CPEIG) celebrou este 29 de outubro a 13 edición da súa Noite da Enxeñaría en Informática de Galicia. Fixoo cunha cea de gala en Santiago de Compostela coa entrega dos premios anuais da profesión que concede a entidade profesional.
Entre os galardoados estivo a editora do diario dixital “obarbanza.gal” e o mensual “O Barbanza“, recibiu o premio Especial pola súas publicacións de Código Cero no seu 20 aniversario.
O diario dixital “codigodero.com” é a revista mensual “Código Cero” son recoñecidos por cumprir vinte anos achegando a información tecnolóxica en galego, o premio foi recollido polo xornalista e historiador ribeirense, Xosé María Fernández Pazos.
