O Concello de Ribeira compartiu este luns 19 un comunicado no que se fai saber que “en vista do progresivo incremento de contaxios que está a padecer o noso municipio” vanse reprogramar as actividades lúdicas para as próximas semanas. Porase o foco nas datas nas que tradicionalmente cadran as súas festas de verán na primeira semana de agosto.
Neste senso, engade o Goberno de Ribeira, “de non producirse un drástico descenso de casos nos próximos días adiaranse moitas das actividades inicialmente previstas polo Concello á espera de que unha melloría na situación epidemiolóxica permita a súa celebración con maiores garantías”.
