O grupo de investigación HISTRAGA e a Fundación RIA (con sede principal en Corrubedo), impulsoras do proxecto Laboratorio Ecosocial do Barbanza, organizan este martes 25 presenta a xornada As Brañas de Laiño, mudanzas impostas en Dodro. O dito laboratorio de investigación-acción puxo especial atención nas Brañas de Laiño, en Dodro, como unha zona antano comunal que a través da reestruturación e protección, deixou de ser un espazo produtivo agrogandeiro, chegando case ata o seu abandono.
O Laboratorio Ecosocial do Barbanza enfoca seu traballo no pasado e no presente das comunidades locais co fin de impulsar os aproveitamentos sustentábeis do futuro. Así, vén de editar a obra colectiva Cando eramos sostibles, Aprendendo no Barbanza as claves do futuro, que se pode descargar de balde na súa web. Este traballo, a través de testimonios dos veciños e veciñas de Dodro, pretende transmitir a transición socioecolóxica do territorio.
A devandita xornada, ademais de expoñer a investigación, servirá para presentar a convocatoria de Proxecto Semente, cos que o Laboratorio apoiará cun máximo de 15.000 € aqueles traballos que fomenten a sustentabilidade do territorio. Todos aqueles interesados en participar poderán facelo a través dun formulario dispoñíbel na páxina web do Laboratorio.
O acto terá lugar o martes 25 de maio no pavillón municipal de Dodro a partir das 19 horas e contará coa presenza do alcalde de Dodro, Xavier Castro, así como os promotores do proxecto.
