A Mancomunidade Turística Barbanza Arousa vén de anunciar a posta en marcha dun
ambicioso proxecto no que se implicará todo o sector turístico dos catro concellos que
forman parte. Así, Ribeira, A Pobra do Caramiñal, Boiro e Rianxo están convocadas
para participar na creación de produto, paquetes e workshops.
A iniciativa ten como obxectivo posicionar o destino a nivel nacional, como un
territorio de grandes atractivos entorno ao mar, a serra e ao Camiño de Santiago. O
proxecto comezará a partir desta semana, cos contactos con todo o tecido empresarial
para que poidan participar na creación desta imaxe.
Dende a Mancomunidade convidan a tódalas empresas de aloxamento, restauración,
axencias de viaxe e actividades a formar parte desta idea. Os contactos de
participación realizaranse a través do teléfono 722 775 140 ou no correo electrónico
productobarbanzarousa@gmail.com
