A ACT (a Asociación de Clubs de Traíñas impulsada por entidades de Galicia, Asturias, Cantabria e Euskadi) e a Mancomunidade da Barbanza Arousa formalizan un acordo para 4 tempadas. A través del, a Liga Eusko Label na comarca prolongarase durante 3 anos máis.
A Mancomunidade escollerá cada tempada de maneira rotatoria o municipio no que se desenvolverá a Liga Eusko Label. Despois da aceptación da ACT, ese lugar converterase en escenario da máxima competición do remo de banco fixo. Adolfo Muíños, presidente da Mancomunidade, explica que “esta unión acada na comunidade unha dimensión de primeira magnitude, xa que é unha aposta moi importante para a Barbanza Arousa”.
Este ano, a Liga terá lugar en Rianxo, concretamente o sábado 7 de agosto. Boiro e Ribeira xa acolleron xornadas da Liga Eusko Label, converténdose en encontros moi demandados por parte da afección remeira, debido ao abano cultural e gastronómico que ofrece a comarca de Barbanza.
