O Concello de Porto do Son vén de denunciar a través das redes sociais o roubo de caucho que estaba instalado no solo do parque infantil da Casa da Cultura de Caamaño. Hai uns días, os membros de Protección Civil comezaron a reparar a zona de xogo e cando procedían a continuar coas labores, visualizaron a desaparición dunha gran parte de plaquetas.
O chan instalado tiña o obxectivo de protexer aos nenos dos golpes e a súa reparación alcanzaba un custo de 1.345 euros. Segundo a tenente do alcalde, María Maneiro, “é lamentable que aínda segan a ocorrer estes actos incívicos que mostran moi pouco respecto pola parte destas persoas cara o que é de todos”.
