O Concello do Porto do Son acolleu onte a celebración dun minuto de silencio en homenaxe ás vítimas do tráxico accidente ferroviario de Urda.
O Goberno e a Corporación do municipio adheriuse ao minuto de silencio convocado pola Federación Española de Municipios y Provincias para as 20:00 horas deste xoves nas portas dos concellos de toda España, “en sinal de dó polo tráxico accidente ferroviario ocorrido esta mañá en Urda (Toledo)”.
Dende o Consistorio sinalaron que “no Porto do Son queremos enviar as nosas condolencias e o noso máis sentido pésame ás familias, amizades e veciñanza das vítimas, descansen en paz”.
