Antón Luaces.- Tripulantes (e os seus familiares) do arrastreiro vigués “Venturer” que permanecen confinados no Brasil tras detectarse un gromo de COVID-19 a bordo, veñen de facer público o seu fondo malestar contra a compañía Pesca Puerta, propietaria do buque que, segundo explican, semella estar máis preocupada pola volta ao traballo canto antes dos prexudicados que polos seus empregados. Ao mesmo tempo critican ás administracións públicas que, aseguran, “continúan desaparecidas”.
Tanto os tripula nntes como os seus familiares están moi molestos pola falta de información sobre estes feitos porque os mariñeiros que continúan a bordo “non reciben información até o punto de que mañá, mércores, supostamente deben facer novas probas PCR, pero non saben nada”.Dos cinco afectados que permanecían ingresados en centros hospitalarios de Salvador de Bahía, quedan aínda dous: un cidadán peruano e outro galego, este en situación “moi delicada” xa que permanece intubado e sedado na UCI.Por parte do sindicato CIG hai críticas á casa armadora do arrastreiro, o citado grupo galego Pesca Puerta, e á admin8istración central e a Xunta de Galicia que, afirman, “continúan desaparecidos”.O “Venturer” saiu do porto de Vigo o pasado día 14 de xaneiro con 64 persoas a bordo con destino ao caladoiro das Malvinas. Feitas as probas de detección do novo coronavirus e pasada unha semana en corentena nun hotel da cidade, algúns tripulantes quedaron en terra por ter dado positivo nas probas realizadas. Uns dez días despois, varios dos embarcados comezaron a se sentir mal e presentar síntomas presuntamente compatibles coa COVID. Após poñerse o capitán en contacto co Centro Radiomédico de Madrid, o buque dirixxíuse a Salvador de Bahía, a onde chegaron na mencida do día 28 de xaneiro. Nesa cidade brasileira continúan a día de hoxe fondeados e sen poderen desembarcar, agás os cinco que foron internados en hospitais con distinta gravidade.
