O grupo 2naFronteira (Dous na Fronteira) actuará o vindeiro sábado 30 de xaneiro na Sala Arcos de Moldes do Auditorio de Rianxo a partir das 19:00 horas. Trátase do concerto-exposición Arredor de Nós, enmarcado nos Actos Castelao 2021.
O concerto-mostra xorde arredor da celebración do centenario da revista Nós, e consistirá nunha atractiva e orixinal exposición divulgativa sobre a mesa cunha breve guía didáctica. O grupo 2na Fronteira estará composto por; Carmen Penim (voz e harmonio), Maurizio Polsinelli (piano e harmonio) e Miguel Paz (batería e percusión tradicional).
A actuación está aberta a todos os públicos e os interesados en asistir poderán conseguir a súa entrada de balde a través da reserva de localidades mediante o correo auditorio@concelloderianxo.gal. O prazo manterase aberto do 22 ao 28 de xaneiro.
