O Centro de Extensión Universitaria e Divulgación Ambiental de Galicia (CEIDA), con sede principal no Castelo de Santa Cruz (Oleiros), puxo en marcha un programa de educación ambiental para dar a coñecer os valores naturais e sociais dos espazos naturais da provincia da Coruña. Entre esas zonas, estiveron presentes o Parque Natural de Corrubedo e Lagoas de Carregal e Vixán.
A iniciativa deseñouse co fin de achegar a natureza á comunidade educativa, a través de tres espazos da provincia: o Parque Natural Fragas do Eume, o Parque Natural de Corrubedo e Lagoas de Carregal e Vixán, e a Reserva de Biosfera Mariñas Coruñesas e Terras do Mandeo. As actividades, dirixidas ao alumnado do último ciclo de educación primaria e secundaria, dividíronse en dúas sesións: unha primeira na aula, para coñecer o espazo e seus problemas; e a segunda sesión que incluíu a saída ao espazo correspondente.
Ademais, os espazos protexidos teñen unha gran capacidade a nivel de aprendizaxe e transmisión de actitudes ambientais e de valor polo propio. É así que durante o 2020, participaron nas actividades de educación ambiental promovidas polo CEIDA un total de 10.435 alumnas e alumnos de todos os niveis educativos de Galicia.
