Os últimos datos facilitados pola Consellería de Sanidade informan que a cifra de contaxios na comarca parece que volve a estabilizarse. A Pobra, Outes, Lousame, Rianxo e Muros están en nivel 0, mentres que Ribeira continúa en nivel 3 se ben todo indica que a incidencia do virus remitiu.
Mentres os concellos de O Son e Boiro continúan en nivel dous de alerta, o que quere dicir que na última semana localizáronse entre 14 e 20 casos novos; mentres que en Noia remitiu a incidencia e segue no nivel 1.
O número de persoas a tratamento na área sanitaria de Santiago – Barbanza volveu a baixar, e queda en 1.036, e aínda que tamén hai un hospitalizado menos, hai dous pacientes máis que tiveron que ingresar na UCI porque se agravou o seu estado, polo que a cifra chega xa a 17 nesta unidade.
