Un home de 75 anos de idade resultou ferido nun accidente de moto rexistrado sobre as sete desta tarde. O moteiro circulaba pola estrada comarcal AC-305 cando se saíu da vía co seu ciclomotor á altura de Ponte Beluso.
Ao lugar do accidente acudiron membros do equipo de emerxencias de Boiro, da Policía Local, unha patrulla de Tráfico e unha ambulancia do 061, que atendeu ao ferido e trasladouno ao hospital comarcal. En principio, o seu estado non revestía gravidade. O ferido é un veciño do lugar de O Pazo, en Rianxo.
