Estreamos outubro, o mes outonal que nos trae un refraneiro moi marcado polas festividades relixiosas e tamén polas tarefas do campo propias destas datas. Cumprindo a tradición tralo veraniño de San Miguel chega o “cordonazo” de San Francisco que por terra e mar faise notar.
Así teremos ceos con nubes e claros nas próximas datas, ocasionalmente moi anubrados. Haberá precipitacións tódolos días. Ata o sábado están previstas chuvias con ata 25 litros/m2, acumulados, se ben mais o norte da provincia as chuvias poden chegar a 40-50 l/m2
En canto ás temperaturas, serán normais para as de madrugada e baixas para as de día respeto ó agardado para este período, con mínimas que ascenderán lixeiramente e máximas que descenderán lixeiramente. Vento forte do Sudoeste o xoves pola noite; e forte do Noroeste o venres pola tarde. En canto ó estado da calidade do aire, cambiará a admisible.
