Un novo neno dou positivo en coronavirus en Barbanza. Trátase dun alumno da Galiña Azul de Rianxo. Amais hai dous irmáns no Colexio Castelao e outro neno na escola infantil Praia Xardín.
O primeiro caso coñecíase o luns 14 de setembro, e era un alumno do centro de Praia Xardín de Boiro. Como medida de precaución tamén debían de gardar corentena os outros dous nenos cos que formaba o grupo burbulla e as dúas profesoras que os atendían.
Nas últimas horas a Consellería de Sanidade notificaba outro caso de covid-19 na Galiña Azul de Rianxo, onde tamén se decidiu enviar a casa aos contactos máis próximos, e realizaráselle unha PCR a aqueles que tivesen unha relación máis directa ou presenten síntomas compatibles con coronavirus.
Tamén en Rianxo están localizados os outros dous escolares contaxiados: dous alumnos do CEIP Castelao que pertencen ao mesmo núcleo familiar. Un dos irmáns estudan primeiro de primaria e os 24 compañeiros e a titora están en corentena preventiva. No caso do outro contaxiado do colexio rianxeiro, que estuda sexto curso, só illouse aos cinco compañeiros máis próximos.
