A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 591, deles 302 son da área da Coruña, 74 da de Lugo, 41 da de Ourense, 43 da de Pontevedra, 83 da área de Vigo, 41 da de Santiago- Barbanza, un máis que onte e 7 da de Ferrol. Do total de pacientes positivos, 2 están en UCI, 23 en unidades de hospitalización e 566 no domicilio. Polo de agora, en Galicia hai un total de 11.428 persoas curadas, rexistrándose 621 falecementos. O último foi o dunha muller de 83 anos que estaba ingresada no hospital da Mariña. Trátase da segunda vítima mortal en tres días, despois de que non houbera falecidos desde xuño. Tiña patoloxías previas. O número de PCR realizadas é de 264.202.
Sábado 3, nubes, claros e risco de chuvascos cara ao serán en Santiago e nas Rías Baixas con temperaturas en ascenso
O sábado 3, San Francisco de Asís, caracterizarase por unha alternancia de nubes e claros en boa parte do territorio. Co paso das horas, especialmente durante a tarde, agárdanse chuvascos acompañados de aparato eléctrico que afectarán con maior probabilidade ás...
